Gruaja kërkon ndihmë nga Policia në Pejë, ish-burri e frikëson pas ndarjes

Një grua në Pejë ka raportuar në Polici se ish bashkëshorti i saj vazhdonte t’i dërgonte mesazhe, edhe pse ishin ndarë para disa muajsh.

Sipas raportit të Policisë së Kosovës, çifti ka dy fëmijë, ndërsa procedura e shkurorëzimit është ende në proces gjyqësor.

Viktima ka deklaruar se ka frikë nga ish-bashkëshorti, transmeton Klankosova.tv

I dyshuari është arrestuar dhe me vendim të prokurorit është dërguar në mbajtje.