Sydney Sweeney dhe Scooter Braun janë fotografuar së bashku në New York, ku kanë shijuar një mbrëmje në Upper West Side.
Aktorja 29-vjeçare u shfaq me një kostum elegant të bardhë, ndërsa çifti ecte dorë për dore.
Sydney kishte zgjedhur një xhaketë të ngushtë me detaje ngjyrë bezhë, të kombinuar me pantallona të drejta, taka në të njëjtën nuancë dhe një çantë lëkure, shkruan DailyMail.
Pamjen e plotësoi me flokë biondë në kaçurrela voluminoze, syze dielli dhe vathë të dukshëm.
Nga ana tjetër, Scooter Braun kishte veshur pantallona të bardha, një këmishë blu të errët dhe një xhaketë kafe. Dyshja dukej e afërt gjatë shëtitjes, ndërsa lidhja e tyre raportohet se ka nisur më shumë se një vit më parë.
Takimi vjen në një periudhë të ngarkuar për aktoren, e cila po xhiron në New York vazhdimin e filmit The Housemaid.
Gjatë xhirimeve, ajo është parë në Park Avenue duke interpretuar sërish personazhin Millie Calloway, ndërsa ka ndarë edhe momente të këndshme me ekipin e filmit.
Sydney dhe Scooter u njohën verën e kaluar, gjatë festimeve të dasmës së Jeff Bezos dhe Lauren Sanchez.
Romanca e tyre erdhi disa muaj pasi aktorja i dha fund fejesës me biznesmenin Jonathan Davino. /Telegrafi/