Kuvendi Komunal i Gjilanit ka miratuar ndarjen e 170 mijë eurove për subvencionimin e dy ndërmarrjeve publike lokale, “Stacioni i Autobusëve Gjilan” dhe “Tregu”.
Sipas njoftimit të Komunës, propozimi i Drejtorisë për Zhvillim Ekonomik është miratuar me votat e të gjithë asamblistëve.
Me këtë vendim, secila ndërmarrje do të përfitojë nga 85 mijë euro. Mbështetja financiare për “Stacionin e Autobusëve Gjilan” synon stabilizimin e gjendjes së tij financiare, ndërsa për ndërmarrjen “Tregu” përmirësimin e kapaciteteve operative.
Komuna ka bërë të ditur se këto subvencione synojnë të kontribuojnë në funksionimin më të mirë të ndërmarrjeve dhe në ofrimin e shërbimeve më cilësore për qytetarët. /Telegrafi/
Burimi: telegrafi.com ↗