Sulmuesi Cristiano Ronaldo ka bërë një tjetër hap të madh drejt arritjes së objektivit, pra 1 mijë golave në karrierë.
Ylli portugez shënoi het-trik në sfidën e Al Nassr ndaj Kholood, ku nikoqirët po fitojnë me rezultat 5-2.
Fillimisht, Ronaldo përfitoi nga një asistim i Felixit për të rikthyer epërsinë e Al Nassr (66’).
Vetëm gjashtë minuta më vonë, dyshja bashkëpunuan sërish – ku Ronaldo ia tundi rrjetën kundërshtarëve për ta dërguar rezultatin në 4-2.
Kurse, pas asistimit me Sadio Mane e kompletoi het-trikun me një goditje të fuqishme (81’).
Al Nassr kësisoj shkon në kuotën e 28 pikëve, aq sa ka edhe Al Qadsiah./Telegrafi/
Burimi: telegrafi.com ↗