Një person është arrestuar në Prishtinë, pasi dyshohet se ka sulmuar dy zyrtarë policorë, pasi paraprakisht kishte hyrë me veturën e tij në kolonën e automjeteve që shoqëroheshin nga policia.
Rasti ka ndodhur dje, rreth orës 14:25, në rrugën “Lidhja e Pejës” në Prishtinë.
Sipas raportit të policisë, i dyshuari, derisa ishte duke drejtuar një veturë me targa vendore, “ka hyrë në mesin e kolonës së veturave të cilat kanë qenë nën përcjellje të policisë”.
Gjatë verifikimit nga zyrtarët policorë, i dyshuari dyshohet se i ka sulmuar dy prej tyre, ndërsa njëri nga policët ka pranuar tretman mjekësor.
Me vendim të prokurorit, i dyshuari është dërguar në mbajtje për 48 orë. /Lajmi.net/
Burimi: lajmi.net ↗