Mauro Icard mund ta vazhdojë karrierën në Spanjë. Real Betis ka nisur kontaktet paraprake me përfaqësuesit e sulmuesit argjentinas, i cili është pa klub pas përfundimit të kontratës me Galatasarayn.
Sipas Tuttomercatoweb, trajneri Manuel Pellegrini e sheh 33-vjeçarin si një përforcim të mundshëm për sulmin.
Ende nuk ka ofertë zyrtare, por fakti që Icardi është lojtar i lirë e bën këtë mundësi interesante për klubin spanjoll.
Pengesa kryesore mbetet paga e tij. Në Turqi, argjentinasi përfitonte rreth 10 milionë euro në sezon dhe për të kaluar te Betis do të duhej të pranonte një ulje të konsiderueshme të të ardhurave.
Icardi ka realizuar 77 gola në 134 ndeshje me Galatasarayn. Përveç Betisit, për të interesohen edhe Juventusi, Elche, Evertoni, Tottenhami, Benfica dhe PAOK-u. Për momentin, rikthimi i tij në futbollin italian duket gjithnjë e më i largët. /Zëri