“Sot le t’më vrajnë, veç që po e di që po e ndiej djalin t’u marrë frymë” – avokatja Hoxha thotë se këto ishin fjalët e Arlindës ditë më parë

Të dielën në Vitomiricë të Pejës, Arlinda Zekaj u privua nga jeta dhe i dyshuari për këtë është kunati i saj.

Por beteja e Arlindës kishte filluar shumë më herët për kujdestarinë e djalit të saj, i cili dyshohej se mbahej peng pikërisht nga i dyshuari.

Avokatja e të ndjerës, Adelina Hoxha ka sqaruar detaje lidhur me këtë rast, duke thënë se ajo ka qenë në vazhdimësi e rrezikuar, por që bënte gjithçka që ta kishte afër djalin e saj.

“Sot le më vranë, veç që po e di që po e ndiej djalin t’u marrë frymë”, Hoxha thotë se këto ishin fjalët e Arlindës ditë më parë.

Ky rast tragjik ka nxitur reagime të shumta, duke kërkuar përgjegjësi institucionale për këtë rast. /Zëri