Drake festoi 40-vjetorin e lindjes me disa dalje në New York, duke eksperimentuar me veshje të guximshme dhe detaje luksoze.
Reperi u fotografua fillimisht të premten, teksa largohej nga restoranti Mamo, i veshur me një shall Hermes me thekë, bluzë të zezë, pantallona lëkure të zeza dhe këpucë në të njëjtën ngjyrë.
Të shtunën, ai zgjodhi një kombinim edhe më të spikatur: pallto me motive gepardi nga Chrome Hearts, të zbukuruar me kryqe të kuqe, këmishë të bardhë dhe pantallona lëkure të kuqe.
Pamjen e kompletoi me çizme kafe dhe bizhuteri ari.
Festimet përfshinë një mbrëmje në Casa Cipriani, ku morën pjesë më shumë se 400 të ftuar dhe performuan Backstreet Boys.
Drake iu bashkua grupit për këngën e njohur I Want It That Way, ndërsa gjatë fjalimit të tij theksoi se festa kishte të bënte me jetën dhe rëndësinë e të qenit gjallë.
Sipas raportimeve të TMZ, festa përfshiu edhe lojëra me çmime në para dhe dhurata luksoze, përfshirë çanta nga Chanel dhe Hermes.
Reperi organizoi gjithashtu një tjetër festë në lokalin Delilah, ku mes të ftuarve ishin Alix Earle, Travis Scott dhe Jack Harlow. /Telegrafi/
