Barcelona do të përballet me Real Madridin në El Clásico me disa mungesa të rëndësishme, ndërsa Hansi Flick i ka besuar edhe talentit egjiptian Hamza Abdelkarim.
Dani Olmo, Eric García, Andreas Christensen dhe Roony Bardghji janë jashtë për shkak të lëndimeve.
Edhe Jules Koundé mungon, duke ia vështirësuar trajnerit gjerman përzgjedhjen e formacionit.
Në këto rrethana, sulmuesi i ri egjiptian Hamza Abdelkarim është përfshirë në listën e Barcelonës për ndeshjen e madhe.
Hamza ka qenë pjesë e ekipit të parë gjatë këtij sezoni dhe po kërkon të fitojë më shumë hapësirë.
Përfshirja në skuadër për El Clásicon është një mundësi e rëndësishme për të, megjithëse aktivizimi i tij do të varet nga vendimi i Flickut.
Barcelona synon ta mposhtë rivalin e përjetshëm dhe ta ruajë epërsinë në krye të La Ligës. /Zëri