Lamine Yamal dhe Kylian Mbappé do të jenë protagonistët kryesorë të El Clásicos mes Barcelonës dhe Real Madridit, por statistikat zbulojnë një dallim interesant mes dy yjeve.
Që nga transferimi i Mbappés te Real Madridi në vitin 2024, dy skuadrat janë përballur shtatë herë. Barcelona ka fituar gjashtë ndeshje, ndërsa madrilenët vetëm një.
Megjithatë, në aspektin individual, francezi ka epërsi me gjashtë gola të shënuar, përfshirë një het-trik në maj të vitit 2025.
Yamal ka realizuar tri herë dhe ka regjistruar edhe dy asistime në finalen e Kupës së Mbretit.
Fitorja e vetme e Real Madridit në këtë periudhë ishte triumfi 2-1 në tetor të vitit 2025.
Tashmë, të dy yjet synojnë të bëjnë diferencën në El Clásicon e radhës, ku Barcelona kërkon të vazhdojë dominimin, ndërsa Mbappé shpreson të udhëheqë Real Madridin drejt fitores. /Zëri