13-vjeçarja Era Krasniqi ishte e ftuar në emisionin "Weekend" në Klan Kosova, ku foli për rrugëtimin e saj në muzikë, sukseset në festivale dhe ëndrrat për të ardhmen.
Ajo tregoi se me muzikë ka nisur të merret që në moshën nëntëvjeçare, pasi talentin e saj e kishte vërejtur babai, i cili e kishte inkurajuar të ndiqte këtë rrugë.
Një ndër këngët më të veçanta për Erën është “Letër babait në mërgim”, të cilën ia ka kushtuar babait të saj që jeton larg familjes.
"Vet kam pasur dëshirë dhe e ka merituar", u shpreh Era, duke treguar se kënga ka një domethënie të veçantë për të dhe familjen e saj.
13-vjeçarja ka të publikuara disa këngë dhe ka marrë çmime të ndryshme në festivale muzikore./Klankosova.tv
Burimi: klankosova.tv ↗