Lutfi Dalipi ka vazhduar me paraqitje të mira në futbollin zviceran, duke shënuar golin e pestë këtë edicion në kampionat.
Sulmuesi 20-vjeçar realizoi golin e vetëm për Vaduzin në humbjen 2-1 ndaj Servettes, në ndeshjen e vlefshme për xhiron e 11-të të Superligës së Zvicrës.
Dalipi e gjeti rrugën drejt rrjetës në minutën e 77-të, por goli i tij nuk mjaftoi për të shmangur humbjen e skuadrës, e cila u mposht në udhëtim.
Sulmuesi kosovar e kompletoi ndeshjen, njësoj si bashkëkombësi i tij Liridon Berisha, që gjithashtu luajti për Vaduzin.
Ndërkohë, portieri Leo Besson qëndroi në bankën rezervë te Servette.
Përveç pesë golave të realizuar këtë sezon në kampionat, Dalipi ka dhënë edhe nëntë asistime, duke kontribuar ndjeshëm në lojën ofensive të Vaduzit./Telegrafi/