Arsenali ka shënuar fitore me rezultat 2-0 ndaj Evertonit, në ndeshjen e zhvilluar të shtunën në stadiumin “Emirates”, në kuadër të javës së tetë të Premier League.
“Topçinjtë” e nisën mirë takimin dhe kaluan në epërsi që në minutën e shtatë, kur Ezri Konsa realizoi golin e parë të ndeshjes. Pavarësisht rasteve të krijuara nga vendasit, pjesa e parë u mbyll me epërsinë minimale të Arsenalit, transmeton lajmi.net.
Në pjesën e dytë, skuadra e drejtuar nga Mikel Arteta vazhdoi të kontrollonte lojën, ndërsa golin e sigurisë e shënoi Gabriel Magalhães në minutën e 68-të.
Mbrojtësi brazilian realizoi me kokë pas një krosimi të Ben White, duke dyfishuar epërsinë dhe duke vulosur fitoren e skuadrës londineze.
Evertoni tentoi të rikthehej në lojë, por nuk arriti të gjente rrugën drejt golit. Një nga rastet e mira për mysafirët erdhi në fund të takimit, kur goditja me kokë e Kiernan Dewsbury-Hall përfundoi ngushtë jashtë portës.
Kjo fitore merr rëndësi të veçantë për Arsenalin, pasi vjen pas humbjes 2-1 të Manchester Cityt ndaj Aston Villas. Me këtë rezultat, skuadra e Artetës shfrytëzoi hapin e gabuar të rivalit në garën për kreun e tabelës.
Arsenali vazhdon kështu garën për titullin në Premier League, ndërsa Evertoni largohet nga Londra pa pikë./lajmi.net/