Ligjvënësit në Missouri po shqyrtojnë një projektligj që synon rritjen e kufirit të shpejtësisë nga 70 milje në orë (rreth 113 km/orë) në 75 milje në orë (rreth 121 km/orë) në disa rrugë rurale të shtetit.
Projektligji i propozuar do të zbatohej vetëm në zonat jashtë qyteteve, ndërsa autostradat urbane do të mbeteshin të pandryshuara.
Mbështetësit thonë se “kufijtë aktualë nuk pasqyrojnë realitetin”.
Sipas tyre, automjetet moderne janë më të sigurta dhe të pajisura me teknologji si kontrolli adaptiv i shpejtësisë dhe sistemet e asistencës në korsi.
Disa qytetarë shprehen se rritja e kufirit nuk do të kishte ndikim negativ, pasi shpejtësitë aktuale tashmë janë pranë këtyre vlerave.
Megjithatë, Departamenti i Transportit i Missouri paralajmëron se shpejtësia është faktor në rreth një të tretën e aksidenteve rrugore.
Autoritetet theksojnë se termi “aksident i lidhur me shpejtësinë” nuk nënkupton domosdoshmërisht tejkalim të kufirit ligjor.
Debati vijon, ndërsa nëse ligji miratohet, kufijtë e rinj mund të hyjnë në fuqi që në muajin gusht. /Telegrafi/