Raphinha po shndërrohet në një makth të vërtetë për Real Madridin. Barcelona ka fituar gjashtë përballjet e fundit ndaj rivalit të përjetshëm, ndërsa braziliani ka shënuar shtatë gola gjatë kësaj serie.
Sipas Marca, sulmuesi i Barcelonës është një nga lojtarët që madrilenët duhet ta kenë më shumë në vëmendje për El Clásicon e radhës.
Shpejtësia, aftësia në duelet një kundër një dhe instinkti para portës e bëjnë Raphinhën një kërcënim të vazhdueshëm për mbrojtjen e Real Madridit, veçanërisht për portierin Thibaut Courtois.
Braziliani vjen në këtë përballje si golashënuesi më i mirë i La Ligës, përpara Kylian Mbappés.
Pas rikthimit nga lëndimi në ndeshjen kundër PSG-së, ai po punon për ta rifituar formën optimale.
Barcelona shpreson që Raphinha të jetë në nivelin e tij më të mirë, pasi statistikat e tij të fundit tregojnë se ai mund të jetë përsëri vendimtar në El Clásico. /Zëri