KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Kosova U16 e nis me fitore Ligën Rajonale në hendboll

Kosova U16 e nis me fitore Ligën Rajonale në hendboll

Kombëtarja U16 e Kosovës në hendboll për vajza e ka nisur me fitore pjesëmarrjen në U16 Regional Challenge Cup, duke mposhtur Bullgarinë me rezultat 26:23.

Ndeshja u zhvillua të enjten mbrëma në Pallatin e Rinisë në Prishtinë, ku vajzat e Kosovës zhvilluan një përballje të fortë dhe treguan më shumë në momentet vendimtare për ta siguruar fitoren.

Natyra Arifi ishte golashënuesja më e mirë te Kosova me gjashtë gola, ndërsa Jusra Begu realizoi pesë dhe Samanda Konjuhaj katër.

Kontribut të rëndësishëm në këtë fitore dha edhe portierja Melisa Sefa, e cila regjistroi plot 12 pritje, përfshirë katër penallti të ndalura.

Në kuadër të këtij turneu, të premten nga ora 13:00 përballen Rumania dhe Bullgaria.

Ndërkohë, Kosova do ta zhvillojë ndeshjen e radhës të shtunën, nga ora 10:00, kur do të përballet me Rumaninë./Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.