KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Musliu: Deputetët duhet ta rishqyrtojnë Ligjin për Specialen nëse kërkohet nga presidentja

Musliu: Deputetët duhet ta rishqyrtojnë Ligjin për Specialen nëse kërkohet nga presidentja

Deputetja e Partisë Demokratike të Kosovës (PDK), Ganimete Musliu, ka thënë se deputetët duhet ta rishqyrtojnë Ligjin për Dhomat e Specializuara nëse presidentja e kthen atë në Kuvend, duke theksuar se një veprim i tillë është në përputhje me Kushtetutën dhe Rregulloren e Kuvendit.

Musliu ka vlerësuar se ligji për Dhomat e Specializuara është i një rëndësie të veçantë dhe se deputetët duhet ta respektojnë vullnetin e qytetarëve të Kosovës, duke kontribuar në procesin e rishqyrtimit të tij.

“Ju e dini shumë mirë që Gjykata Speciale, ose ligji për Dhomat e Specializuara në këtë rast, është një ligj i jashtëzakonshëm, i rëndësisë së jashtëzakonshme, dhe jo vetëm ky ligj, po secili ligj që ka nevojë, qoftë edhe me u riamandamentu, ose me u rishqyrtu, ne si deputetë duhet ta respektojmë vullnetin e qytetarëve të Republikës së Kosovës”, tha ajo.

Musliu ka theksuar se, në rast se presidentja kërkon që ligji të rishqyrtohet, deputetët kanë obligim të marrin pjesë në këtë proces, në përputhje me procedurat parlamentare dhe kushtetuese.

“Prandaj, nëse kërkesa është nga presidentja në këtë rast, që ligji duhet të rishqyrtohet, të ri-amandamentohet, do të thotë secili deputet duhet ta japë kontributin. Është brenda Rregullores së Kuvendit edhe brenda Kushtetutës. Domethënë, me Kushtetutë edhe me Rregullore, ne e kemi për obligim me i rishqyrtu sa herë që është kërkesa për t’u rishqyrtuar”, tha ajo.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.