KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Kurti takon kancelarin austriak: Pajtohem me Stockerin se BE-ja s’është e plotë pa Ballkanin në të

Kurti takon kancelarin austriak: Pajtohem me Stockerin se BE-ja s’është e plotë pa Ballkanin në të

Kryeministri i Kosovës, Albin Kurti, është takuar këtë të enjte në Shën Stefan, në Mal të Zi, me kancelarin federal austriak, Christian Stocker, me të cilin ka diskutuar për prioritetet e Qeverisë së re dhe avancimin e marrëdhënieve dypalëshe.

Në një postim në Facebook, Kurti ka bërë të ditur se në takim është diskutuar për mundësitë e bashkëpunimit ekonomik në fushën e energjisë, hekurudhave dhe teknologjisë digjitale, ku, sipas tij, kompanitë austriake dhe diaspora kosovare po investojnë gjithnjë e më shumë.

Kurti ka përmendur edhe procesin e integrimit të Kosovës në Zonën e Vetme të Pagesave në Euro (SEPA), duke thënë se është përmbushur edhe kushti i fundit përmes miratimit të tërësisë së ligjeve të nevojshme.

“Para katër muajsh mes tjerash folëm për dy hapa konkretë: integrimin në SEPA dhe zonën roaming të BE-së. Për të parin tashmë kemi përmbushur edhe kushtin e fundit, me tërësinë e ligjeve të nevojshme, dhe për të dytin presim nisjen e negociatave së shpejti”, tha Kurti.

Kryeministri ka theksuar gjithashtu e mbështet deklaratën e Kancelarit Stocker se “Bashkimi Evropian nuk është i plotë, i sigurt dhe i qëndrueshëm pa Ballkanin Perëndimor dhe se të gjithë kandidatët duhet të trajtohen njëlloj, me të njëjtat kushte”.

“Në bazë të meritës, Republika e Kosovës është gati për avancim në rrugën evropiane, statusin e vendit kandidat dhe hapjen e negociatave”, u shpreh Kurti.

Postimin, kryeministri e ndërlidhi me rezultatet mes Kosovës dhe Austrisë në futboll. “Pas 3:1 në Vjenë dhe 1:1 në Prishtinë, po afrohemi edhe në futboll”, përfundoi Kurti. /Klankosova.tv

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.