KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Trajneri i RB Leipzig shprehet i qartë për kundërshtarët sonte: Mbappe është lojtari që do t’ia hiqte Real Madridit

Trajneri i RB Leipzig shprehet i qartë për kundërshtarët sonte: Mbappe është lojtari që do t’ia hiqte Real Madridit

Real Madridi e pret Leipzigun të mërkurën mbrëma në “Santiago Bernabéu”, në kuadër të xhiros së tretë të fazës së ligës, me synimin për ta vazhduar ecurinë pozitive në këtë garë.

Skuadra e drejtuar nga Jose Mourinho i ka fituar dy ndeshjet e para në Evropë, kundër Interit dhe Romës, ndërsa vjen pas një fitoreje bindëse 4:1 ndaj Sevillas në La Liga. Në atë takim, Mbappé realizoi dy gola dhe konfirmoi formën e mirë që po kalon.

Sulmuesi francez ka shënuar 11 gola këtë sezon, duke u shndërruar në një prej rreziqeve kryesore për mbrojtjen kundërshtare.

Trajneri i RB Leipzigut, Martin Demichelis, nuk ka pasur dilema kur është pyetur se cilin lojtar do ta largonte nga formacioni i Real Madridit për t’i dhënë skuadrës së tij më shumë gjasa për fitore.

“Kylian Mbappé”, ishte përgjigjja e shkurtër e argjentinasit, para përballjes së dy skuadrave në Ligën e Kampionëve.

Leipzig po kalon një periudhë të vështirë, pasi pas humbjes 4:1 nga Como, pësoi edhe një disfatë të rëndë 6:1 nga Bayern Munichu.

Skuadra gjermane ka fituar një ndeshje në dy xhirot e para të Ligës së Kampionëve dhe synon të befasojë në Madrid.

Për Demichelisin dhe ekipin e tij, ndalimi i Mbappés do të jetë një prej sfidave kryesore të mbrëmjes, në një përballje ku Real Madridi hyn si favorit.

 

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.