Aktorja dhe moderatorja amerikane, Drew Barrymore, është përlotur gjatë emisionit të saj, teksa diskutonte me aktorin John Cena për pensionimin dhe largimin nga karriera.
51-vjeçarja pranoi se ende nuk e di se kur dhe si duhet të marrë një vendim të tillë, duke theksuar se nuk është ende gati të tërhiqet plotësisht nga puna.
Gjatë bisedës, Barrymore e pyeti Cenën se si kishte vendosur t’i jepte fund karrierës së tij profesionale në mundjen WWE, nga e cila u tërhoq në dhjetor të vitit 2025.
Foto: YouTube
Ai shpjegoi se vendimi erdhi kur kuptoi se ishte koha e duhur për t’u larguar, duke theksuar se nuk dëshironte të vazhdonte vetëm për hir të egos së tij.
Barrymore është pjesë e industrisë së filmit që nga fëmijëria.
Ajo debutoi në ekranin e madh në moshën gjashtëvjeçare, në filmin e famshëm “E.T.” të Steven Spielberg, dhe më pas ndërtoi një karrierë të gjatë me dhjetëra role në filma të njohur, përfshirë “Charlie’s Angels” dhe “50 First Dates”.
Megjithatë, në një intervistë të vitit 2025, aktorja kishte treguar se ishte tërhequr nga aktrimi për t’iu përkushtuar rritjes së dy vajzave të saj, Olive dhe Frankie.
– YouTube www.youtube.com
Ajo kishte shpjeguar se dëshironte të kalonte më shumë kohë me to dhe të përqendrohej te vetja dhe te roli i saj si prind.
Tashmë, teksa përballet me dilemën e pensionimit, Barrymore ka pranuar se nuk dëshiron të largohet ende plotësisht nga puna, duke treguar se vendime të tilla mund të jenë emocionalisht të vështira edhe për personazhet që kanë kaluar dekada në qendër të vëmendjes. /Telegrafi/