Një fëmijë tetëvjeçar është goditur nga një makinë në një vendkalim për këmbësorë përpara Shkollës Fillore “Goce Dellçev” në Shtip, dhe shoferi është larguar nga vendi i ngjarjes pas aksidentit.
Sipas informacioneve, aksidenti ka ndodhur të premten, rreth orës 18:30, kur një makinë e ka goditur fëmijën ndërsa ai ndodhej në vendkalimin për këmbësorë përpara shkollës.
Pas përplasjes, shoferi nuk është ndalur për të ndihmuar, por është larguar nga vendi i aksidentit.
Sipas informacioneve fillestare, bëhet fjalë për një automjet me targa të Kumanovës.
Incidenti është raportuar në polici, ndërsa fëmija i lënduar është transferuar në Spitalin Klinik në Shtip për ndihmë mjekësore.Për momentin, nuk ka informacione shtesë rreth identitetit të shoferit.