Jenna Ortega u shfaq në tapetin e kuq të Festivalit të Filmit në Romë me një fustan të gjatë në ngjyrë nude, në premierën e filmit të saj më të ri, Klara and the Sun.
Aktorja 24-vjeçare pozoi së bashku me regjisorin Taika Waititi, ndërsa filmi i tyre i ri po përballet me kritika të ashpra nga mediet ndërkombëtare.
Filmi, i bazuar në romanin me të njëjtin titull të shkrimtarit Kazuo Ishiguro, rrëfen historinë e Klarës, një vajze robotike të krijuar për të parandaluar vetminë, shkruan DailyMail.
Ajo blihet nga një familje për t’i bërë shoqëri adoleshentes Josie, në një të ardhme ku përparimet në inxhinierinë gjenetike kanë krijuar ndarje të thella mes njerëzve.
Në kastin e filmit, krahas Jenna Ortegas, janë edhe Amy Adams, Steve Buscemi dhe Natasha Lyonne. Megjithatë, pavarësisht emrave të njohur, përshtatja kinematografike nuk ka marrë vlerësimet e pritshme.
Sipas artikullit, filmi ka marrë vetëm 20% në Rotten Tomatoes, bazuar në 10 vlerësime, ndërsa The Telegraph, The Times dhe The Guardian i kanë dhënë nga një yll.
Kritiku Peter Bradshaw i The Guardian e ka cilësuar filmin si një përshtatje tepër sentimentale dhe të lodhshme, ndërsa Guy Lodge i Variety ka kritikuar drejtimin e historisë, duke vlerësuar se Jenna Ortega përpiqet ta shpëtojë një adaptim që nuk funksionon.
Klara and the Sun pritet të dalë në kinematë e Mbretërisë së Bashkuar më 23 tetor, ndërsa vëmendja në premierën e Romës u përqendrua te paraqitja e aktores, në një moment kur filmi po merr reagime kryesisht negative nga kritikët. /Telegrafi/
