Situata te Manchester United vazhdon të jetë e tensionuar pas humbjes 2-0 ndaj Atlético Madridit në Ligën e Kampionëve.
Sipas raportimeve të mediave angleze, futbollistët e Unitedit kanë anuluar darkën e përbashkët që ishte planifikuar për të enjten, në një moment kur skuadra po kalon një periudhë të vështirë dhe ka pesë ndeshje radhazi pa fitore.
Tensionet janë shtuar pas kritikave të Lisandro Martínezit ndaj drejtuesve të klubit, veçanërisht drejtorit të futbollit, Jason Wilcox, për mungesën e investimeve dhe përforcimeve të duhura.
Mbrojtësi argjentinas më pas kërkoi falje për mënyrën se si u shpreh, por qëndrimi i tij pasqyron pakënaqësinë që ekziston brenda skuadrës.
Manchester United tani synon të reagojë në ndeshjen e radhës kundër Leeds Unitedit, për t'i dhënë fund krizës së rezultateve. /Zëri