Kompania Rajonale e Ujësjellësit “Hidroregjioni Jugor” ka evidentuar 11 lidhje të paautorizuara në rrjetin e ujësjellësit gjatë kësaj jave në Prizren, Suharekë dhe Malishevë.
Sipas njoftimit të kompanisë, gjashtë lidhje të paautorizuara janë identifikuar në Suharekë, tri në Prizren dhe dy në Malishevë.
KRU “Hidroregjioni Jugor” u ka bërë thirrje konsumatorëve që të respektojnë ligjin dhe të mos ndërhyjnë në mënyrë të paautorizuar në rrjetin e ujësjellësit.
Kompania nuk ka dhënë detaje të tjera lidhur me personat përgjegjës për këto lidhje apo masat që mund të ndërmerren ndaj tyre. /Telegrafi/
Burimi: telegrafi.com ↗