Trajneri i Real Madridit, Jose Mourinho kritikoi La Ligën për njoftimin e pezullimit me katër ndeshje të Vinicius Junior shkaku i një kartoni të kuq direkt ndaj Villarrealit.
Vinicius Jr u dënua me katër ndeshje mos-lojë shkaku i një kartoni të kuq ndaj Villarrealit, pasi u cilësua si veprim i dhunshëm tërheqja nga flokët e mesfushorit të Villarrealit, Nathan Saliba.
Duke folur pasi udhëhoqi Real Madridin drejt një fitoreje me rezultatin 4-3 kundër Romës në Ligën e Kampionëve, Mourinho u përkujdes ta kritikojë La Ligën për vendimin.
“A mendoni se është normale që një lojtar i një klubi spanjoll të marrë informacion në lidhje me një pezullim prej katër ndeshjesh vetëm një orë para ndeshjes?”, pyeti fillimisht Mourinho.
“A nuk mund ta bënin tani ose nesër në mëngjes? A duhej vërtet ta mësonte në autobus?”.
“Ata janë të paturpshëm. Gjërat janë bërë publike tani dhe ata nuk fshihen më”.
“Ata u përpoqën ta vrisnin mendërisht lojtarin një orë para ndeshjes. Pse të përpiqen ta lëndojnë kur ky është një ekip spanjoll?”, përfundoi trajneri i Los Blancos. /Telegrafi/