Shumë njerëz mund të mos e shfrytëzojnë siç duhet një funksion të makinës larëse që ndihmon në largimin e ujit të tepërt nga rrobat.
Në apartamentet e vogla, ku mungon ballkoni ose hapësira për tharjen e rrobave, tharja e rrobave të lara mund të kthehet në një problem të përditshëm. Sidomos gjatë ditëve të ftohta ose me lagështi, bluzat, peshqirët dhe rrobat e trasha mund të mbeten të lagura për shumë orë.
Megjithatë, një eksperte ka ndarë një këshillë të thjeshtë, por pak të njohur, e cila mund të shkurtojë ndjeshëm kohën e tharjes së rrobave brenda shtëpisë.
Nicola Lewis zbuloi një funksion “të fshehtë” në lavatriçe, që mund të ndihmojë në tharjen më të shpejtë të rrobave, veçanërisht për ata që nuk kanë hapësirë të mjaftueshme për t’i tharë ato jashtë.
Ajo shpjegon se, pasi të përfundojë cikli i zakonshëm i larjes, mund të aktivizohet një cikël shtesë rrotullimi, i njohur si “Spin”, pa shtuar ujë.
Ky rrotullim ekstra ndihmon në nxjerrjen e lagështisë së mbetur nga pëlhurat, duke reduktuar kohën që rrobat kanë nevojë për t’u tharë më pas në stendë.
Si funksionon butoni “Spin”?
Butoni “Spin” aktivizon procesin e centrifugimit, gjatë të cilit kazani i makinës rrotullohet me shpejtësi për të larguar ujin e tepërt nga rrobat.
Sa më pak ujë të mbetet në pëlhurë pas centrifugimit, aq më pak lagështi duhet të avullojë gjatë tharjes. Kjo mund të ndihmojë që rrobat të thahen më shpejt në stendën e tharjes.