KRU “Gjakova” ka njoftuar se në fshatin Krushë e Vogël janë duke u zhvilluar punime për sanimin e një defekti në gypin e ujësjellësit, ndërsa ka paralajmëruar banorët për rrezikun që paraqet zona ku po kryhen punimet.
Sipas njoftimit të kompanisë, gropa ku po punohet është rreth 6.5 metra e thellë. Prania e ujit dhe e baltës rrit rrezikun e shembjes së dheut, duke paraqitur kërcënim për sigurinë e qytetarëve.
KRU “Gjakova” u ka bërë thirrje banorëve të zonës që të tregojnë kujdes të shtuar dhe të mos i afrohen gropës gjatë zhvillimit të punimeve.
Kompania ka kërkuar që qytetarët të qëndrojnë larg zonës së rrezikshme, për të shmangur çdo incident të mundshëm. /Telegrafi/
Burimi: telegrafi.com ↗