Policia e Kosovës ka arritur ta gjejë dhe t’ia kthejë pronarit një automjet të vjedhur në fshatin Zhur të Prizrenit, pas disa muajsh hetime dhe kërkimesh.
Sipas njoftimit të Policisë, rasti ishte raportuar më 14 prill 2026, kur një qytetar kishte denoncuar vjedhjen e automjetit të vëllait të tij, një Mitsubishi Transporter, me ngjyrë të hirtë dhe me targa vendore, i cili ishte marrë nga oborri i shtëpisë.
Pas hetimeve dhe patrullimeve në terren, më 10 tetor 2026, një patrullë policore nga Vushtrria e ka gjetur automjetin në një zonë të thellë malore të fshatit Oshlan. Gjatë kontrollit është konstatuar se automjetit i ishin ndërruar edhe targat.
Me urdhër të prokurorit të shtetit, automjeti i gjetur i është kthyer pronarit, ndërsa hetimet do të vazhdojnë me qëllim të identifikimit të personave të përfshirë në këtë rast. /Telegrafi/