Një atmosferë e veçantë festive, muzikë dhe emocione kanë shoqëruar dasmën e madhe të familjes muzikore Macula, ku emra të njohur të skenës muzikore i kanë dhënë ngjyrë dhe shkëlqim kësaj ceremonie.
Në ambientet e njërit prej hoteleve të njohura të Prishtinës, dasmës së familjes Macula i është bashkuar edhe hit-këngëtari i njohur shqiptar Ramadan Krasniqi-Dani.
Në mesin e momenteve më të veçanta DANI, ia këndoi kompozitorit të njohur kosovar Afrim Maculës, i cili po e martonte nipin Ronin me Vlerën, hitet e tij të mëdha, që i kishin realizuar bashkërisht ndër vite e dekada, duke krijuar një atmosferë të ngrohtë dhe plot energji.
‘Ti që fike shpirtin tim’, ‘Fllladi i ëmbël’, ‘Mërgim’, ‘Çka na mbet’ nga dashuria’, ishin këngët e fuqishme të orëve të vona, hite këto që vazhdojnë të jetojnë ndër breza e gjenerata të fansave të këngëtarit.
Performanca dhe interpretimi i këtyre perlave zgjoi emocion e veçanti nga këngëtarja Diona Fona, e pranishme në dasmë, e cila me sharmin dhe elegancën e saj i dha një dimension të veçantë ceremonisë, meqë edhe ajo ishte familjare e çiftit.
Dasma e familjes Macula dëshmoi edhe një herë se muzika dhe miqësia mes artistëve janë pjesë e rëndësishme e festave të mëdha, ku këngët, emocionet dhe momentet e bukura mbeten kujtime të veçanta për të gjithë të pranishmit./RADIO 1/
