Gjatë 24 orëve të fundit, në lokacione të ndryshme në vend, nëpunës policorë privuan nga liria 12 shoferë për shkak të kryerjes së veprës penale „drejtim i pakujdesshëm i automjetit“ sipas nenit 297-a të Kodit Penal.
Siç kumtoi MPB-ja, prej tyre, nëntë kanë drejtuar automjetin pa e dhënë provimin e vozitjes, përkatësisht: D.D. (26) nga Shkupi, M.B. (29) nga fshati Cërn Vërv, Shkup, M.P. (18) nga fshati Mërshevci, Shkup, një 15-vjeçar nga fshati Studeniçan, Shkup, N.B. (48) nga Manastiri, A.A. (44) nga Manastiri, I.K. (51) nga fshati Viniçani, Komuna e Gradskos, një 16-vjeçar nga Velesi dhe L.M. (61) nga fshati Stamer, Dellçevë.
Me ndalim aktiv dhe nën ndikimin e alkoolit kanë drejtuar automjetin B.B. (60) nga fshati Zajas, Kërçovë dhe M.M. (37) nga Velesi. Ndërsa, nën ndikimin e alkoolit ka drejtuar automjetin L.Xh. (48) nga fshati Razllovc, Dellçevë.
Pas dokumentimit të plotë të rasteve, do të paraqiten kallëzime penale përkatëse.
“U bëjmë apel të gjithë pjesëmarrësve në komunikacion që t’i respektojnë rregullat dhe dispozitat e komunikacionit, të mos drejtojnë automjet pa e dhënë provimin e vozitjes ose nëse u është shqiptuar masë ndalimi për drejtimin e automjetit ose nëse janë nën ndikimin e alkoolit dhe të gjithë së bashku të kontribuojmë për siguri më të madhe në komunikacion”, kumtojnë nga MPB-ja.