Një aksident trafiku ka ndodhur sot rreth orës 13:45 në rrugën Klinë–Gjakovë, përkatësisht në fshatin Volljak të Klinës.
Në aksident janë përfshirë dy automjete, ndërsa përveç dëmeve materiale, katër persona janë dërguar për trajtim mjekësor.
Rastin e ka konfirmuar zëdhënësi i Policisë Rajonale të Pejës, Sheremet Elezaj.
“Sot rreth orës 13:45, në rrugën Klinë–Gjakovë, përkatësisht në fshatin Volljak-Klinë, ka ndodhur një aksident trafiku, ku janë përfshirë dy automjete. Përveç dëmeve materiale, katër persona janë dërguar për trajtim mjekësor. Njësia Rajonale e Komunikacionit Rrugor është duke trajtuar rastin”, tha Elezaj.
Policia po vazhdon trajtimin e rastit për të zbardhur rrethanat e aksidentit./Telegrafi/