Një person ka pësuar lëndim të lehtë pasi ndaj tij është shtënë dy herë me armë zjarri në Prizren.
Sipas raportit të Policisë së Kosovës, rasti ka ndodhur më 1 tetor 2026, rreth orës 20:30, kur ankuesi ka njoftuar policinë se një i dyshuar ka shtënë me pistoletë në drejtim të tij.
I dyshuari më pas është paraqitur në stacionin policor, ku ka dorëzuar një pistoletë me gjashtë fishekë.
Viktima është dërguar për trajtim mjekësor, ndërsa sipas mjekëve ka pësuar një gërvishtje nga predha e plumbit.
Me vendim të prokurorit është kontrolluar edhe shtëpia e të dyshuarit, ku janë gjetur dhe sekuestruar 64 fishekë të kalibrave të ndryshëm.
Me vendim të prokurorit, i dyshuari është dërguar në mbajtje. /Telegrafi/