Banorët e rrugës “Bastri e Ali Hyseni” në Vushtrri kanë kërkuar intervenim të shpejtë nga Komuna, pasi rruga prej ditësh është e bllokuar dhe qarkullimi me vetura është i pamundur.
Sipas pamjeve të publikuara nga faqja “Fshatrat e Vushtrrisë”, gjendja e rrugës po u shkakton vështirësi banorëve të kësaj zone.
Në një video të dërguar nga qytetarët shihet rruga e bllokuar, ndërsa banorët kërkojnë nga Komuna e Vushtrrisë që të ndërhyjë sa më shpejt dhe të gjejë një zgjidhje për këtë problem.
Qytetarët kanë shpresuar që shqetësimi i tyre të merret parasysh dhe rruga të lirohet sa më shpejt, në mënyrë që të rikthehet qarkullimi. /Telegrafi/