Ka rifilluar finalja e Superkupës së Kosovës në basketboll mes Trepçës dhe Bashkimit, e cila u ndërpre përkohësisht pas incidenteve të krijuara në palestrën “Mizahir Isma” në Rahovec.
Pas vendimit për zbrazjen e palestrës dhe krijimit të kushteve për vazhdimin e takimit, të dyja skuadrat janë rikthyer në parket, ndërsa ndeshja ka vazhduar aty ku ishte ndërprerë.
Trepça e mbylli çerekun e parë me epërsi 24-22, ndërsa në çerekun e dytë mitrovicasit ishin sërish më të mirë, duke fituar këtë periudhë 22-18.
Kështu, Trepça shkoi në pushim me epërsi prej gjashtë pikësh, 46-40.
Finalja tashmë ka rifilluar, ndërsa Trepça po kërkon ta ruajë avantazhin dhe të afrohet drejt trofeut të Superkupës, kurse Bashkimi synon përmbysjen në pjesën e dytë. /Telegrafi/