Drejtoria e Shëndetësisë në Komunën e Mitrovicës ka njoftuar se të enjten, më 1 tetor 2026, do të nisë procesi i dezinsektimit hapësinor në territorin e komunës.
Sipas njoftimit, dezinsektimi do të fillojë nga ora 18:30.
Gjatë zhvillimit të procesit, qytetarëve u është bërë thirrje që t’i mbajnë të mbyllura dritaret dhe dyert, me qëllim parandalimin e futjes së insekteve në ambientet e brendshme.
Ndërkaq, bletarët janë udhëzuar që të marrin masat e nevojshme për mbrojtjen e bletëve, në përputhje me rekomandimet profesionale.
Drejtoria e Shëndetësisë ka bërë të ditur se në rast të kushteve të pafavorshme atmosferike, si shiu, erërat e forta apo rrethana të tjera që pamundësojnë realizimin e procesit, dezinsektimi do të shtyhet për ditën e ardhshme me kushte të përshtatshme atmosferike. /Telegrafi/