Kryetari i Komunës së Hanit të Elezit, Mehmet Ballazhi, ka njoftuar se ka përfunduar shtrirja e ndriçimit të ri publik në segmentin që lidh fshatin Paldenicë me Lagjen Ramuka.
Sipas Ballazhit, ndriçimi i ri publik shtrihet në një gjatësi prej 1,750 metrash.
Ai ka bërë të ditur se investimet do të vazhdojnë edhe në rrugë dhe rrugica të tjera të komunës, me qëllim të përmirësimit të sigurisë dhe kushteve për qytetarët.
“Për një Han të Elezit më të ndriçuar dhe më të sigurt!”, ka shkruar Ballazhi. /Telegrafi/