Kim Kardashian dhe Lewis Hamilton kanë tërhequr sërish vëmendjen e fansave.
Ylli televiziv dhe sipërmarrësja publikoi të mërkurën në Instagram një fotografi të çantave të saj dhe të Hamiltonit, të dyja të markës Goyard.
Çanta rozë e Kim është personalizuar me emrin e saj, ndërsa çanta e zezë e pilotit 41-vjeçar të Formula 1 mban numrin e tij të garave, 44.
Foto: Instagram
Fotografia duket se është realizuar në një avion privat.
Kardashian dhe Hamilton, për të cilët janë shtuar raportimet për një lidhje që nga shkurti, së fundmi kanë kaluar kohë së bashku në Londër.
Kim mori pjesë në hapjen e dyqanit të ri të markës së saj SKIMS dhe më pas të dy u panë duke lëvizur me skuterë elektrikë.
Pas Londrës, ata u shfaqën së bashku edhe në hapjen e Muzeut të Artit Narrativ Lucas në Los Angeles, më 19 shtator.
Një nga fotografitë e publikuara nga Kim mendohet se është realizuar gjatë pushimeve të tyre në Hawaii muajin e kaluar.
Kardashian pozoi me bikini vjollcë në plazh, në sfondin e perëndimit të diellit, duke shkruar: “Pse nuk të telefonova”.
Një ditë më parë, edhe Hamilton kishte publikuar në Instagram disa fotografi me Kim. /Telegrafi/