Fox News ndërpreu transmetimin e fjalimit të zëvendëspresidentit amerikan, JD Vance, duke thënë se “do të rikthehemi nëse ai fillon të thotë diçka të rëndësishme”.
Pas kësaj, kanali kaloi në transmetimin e Asamblesë së Përgjithshme të Kombeve të Bashkuara dhe nuk u rikthye më te fjalimi i JD Vance.
Videoja e momentit u përhap me shpejtësi në rrjetet sociale.
Fox News konsiderohet një nga rrjetet kryesore televizive amerikane me qëndrim miqësor ndaj presidentit amerikan, Donald Trump.
Ndërprerja ndodhi në një kohë kur administrata Trump është përfshirë në përplasje me mediat amerikane.
Më herët, CNN, MS NOW dhe Politico paditën Shtëpinë e Bardhë pasi iu mohua qasja në aktivitetet e presidentit. /Telegrafi/