Një banor i lagjes “Arbanë” në Prizren ka ngritur shqetësim lidhur me një shtyllë elektrike të vendosur para hyrjes së shtëpisë së tij, në rrugën “Enver Bytyqi”.
Sipas raportimit të TV Prizreni, për këtë çështje është ankuar banori prej disa vitesh te organet përgjegjëse, por deri më tani, sipas tij, nuk është gjetur një zgjidhje.
Banori thotë se pozicioni i shtyllës elektrike po i vështirëson hyrjen dhe daljen nga prona, duke kërkuar nga institucionet dhe organet kompetente që ta shqyrtojnë rastin dhe mundësinë e zhvendosjes së saj.
Ai shpreson që kërkesa e tij të merret parasysh dhe problemi të zgjidhet pas disa vitesh pritjeje. /Telegrafi/
Burimi: telegrafi.com ↗