Policia e Kosovës ka njoftuar se ka shqiptuar gjoba ndaj dy shoferëve të autobusëve në Pejë, pasi janë evidentuar duke shfrytëzuar shiritin e kundërt të qarkullimit.
Sipas policisë, të dy rastet kanë ndodhur më 11 shtator 2026, në rrugën “Agim Binak Qelaj” në Pejë, ndërsa shkeljet janë evidentuar përmes videoincizimeve të pranuara nga policia.
Në të dyja rastet, shoferët janë ftuar menjëherë nga policia, ndërsa ndaj tyre janë shqiptuar nga 150 euro gjobë dhe nga një pikë negative.
Policia ka theksuar se masat janë ndërmarrë për shkeljet e rregullave të trafikut dhe përdorimin e shiritit të kundërt për qarkullim. /Telegrafi/
Burimi: telegrafi.com ↗