KRU “Bifurkacioni” ka njoftuar se sot, më 14 shtator, do të ketë ndërprerje të përkohshme të furnizimit me ujë të pijes në rrugët “Veskopoja” dhe “Vesel Elezi”.
Sipas njoftimit, ndërprerja do të bëhet për shkak të punimeve teknike në terren, në kuadër të projektit për zëvendësimin e ujëmatësve të vjetër me të rinj.
Kompania ka bërë të ditur se këto punime kanë për qëllim përmirësimin e matjes së konsumit të ujit, rritjen e efikasitetit të sistemit të furnizimit dhe ofrimin e shërbimeve më cilësore për konsumatorët.
Furnizimi me ujë në këto dy rrugë pritet të rikthehet duke filluar nga ora 16:00.
KRU “Bifurkacioni” ka falënderuar konsumatorët për mirëkuptimin. /Telegrafi/
Burimi: telegrafi.com ↗