Në një konferencë të përbashkët me presidentin ukrainas Volodymyr Zelenskyy, kryeministri britanik Andy Burnham ka paraqitur tri pika kryesore për mënyrën se si Perëndimi duhet të mbështesë Ukrainën.
Pika e parë: Mbrojtja e hapësirës ajrore
Burnham tha se ka marrë një mesazh “të qartë” nga zyrtarët ukrainas se vendi ka nevojë për më shumë ndihmë për mbrojtjen e popullsisë dhe të qiellit, veçanërisht përpara dimrit.
Sipas tij, Rusia po “mbetet pa alternativa” në fushën e betejës dhe po i drejtohet një fushate terrori kundër Ukrainës, transmeton Telegrafi.
Pika e dytë: Sanksionet
Burnham kërkoi që Rusia të ndiejë më shumë presionin ekonomik të luftës.
Ai bëri thirrje për masa më të forta ndaj eksporteve ruse të naftës dhe LNG-së, si dhe për vazhdimin e goditjes ndaj të ashtuquajturës “flota fantazmë”, që Moska përdor për të anashkaluar sanksionet.
Pika e tretë: Negociatat
Duke folur për mundësinë e një marrëveshjeje paqeje, Burnham i cilësoi pretendimet ruse për një fitore të pashmangshme si “të dëshpëruara”.
Sipas tij, Ukraina nuk do të heqë dorë nga territoret që Rusia nuk është në gjendje t’i pushtojë në fushën e betejës.
“Negociatat do të fillojnë në vijën e kontaktit”, deklaroi Burnham, duke nënvizuar se mbështetja ushtarake dhe presioni ekonomik ndaj Moskës mbeten thelbësore për pozicionin negociues të Kievit.