Një person dyshohet se ka prezantuar në kontrollë pasaportën e lëshuar nga shteti i Belgjikës e cila dyshohej se nuk i përkiste personit që e ka prezantuar.
Sipas raportit policor, rasti ka ndodhur më 18 gusht 2026, rreth orës 18:00 në Aeroportin e Prishtinës.
Tutje në raport thuhet se i dyshuari gjatë intervistimit e ka pranuar se pasaporta nuk është e tij dhe i njëjti është shtetas iranian dhe nuk posedon asnjë dokument me vete.
“Raportohet se një i dyshuar mashkull ka prezantuar në kontrollë pasaportën e lëshuar nga shteti i Belgjikës e cila dyshohej se nuk i përkiste personit që e ka prezantuar. I dyshuari gjatë intervistimit e ka pranuar se pasaporta nuk është e tij dhe i njëjti është shtetas iranian dhe nuk posedon asnjë dokument me vete. I dyshuari gjatë intervistimit ka deklaruar se ndihet i rrezikuar në shtetin e tij dhe pas përfundimit të procedurave i njëjti është dërguar në zyrën e migracionit për vazhdimin e procedurës së azilit”, thuhet në raport.
Ndërkaq, rasti është cilësuar si “Keqpërdorim i dokumentit”, ndërsa procedurat e mëtejshme do të zhvillohen nga institucionet kompetente. /Telegrafi/