KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Showbiz

“E ktheu vëmendjen te vetja”, Alec Baldwin nën kritika pas mesazhit për vdekjen e Sam Neill

“E ktheu vëmendjen te vetja”, Alec Baldwin nën kritika pas mesazhit për vdekjen e Sam Neill

Aktori Alec Baldwin është përballur me kritika në rrjetet sociale pas mesazhit të tij të lamtumirës për kolegun e ndjerë, Sam Neill.

Baldwin publikoi një video në Instagram ku foli për vdekjen e Neill, por shumë përdorues vunë re se ai përmendi aktorin vetëm në fillim dhe në fund të videos.

Pjesa më e madhe e mesazhit u përqendrua te kujtimet e tij nga filmi i vitit 1990 “The Hunt for Red October”, ku të dy aktorët kishin luajtur së bashku.

Sam Neill

Në video, Baldwin kujtoi përvojën e tij gjatë xhirimeve, rolin e tij si Jack Ryan, regjisorin John McTiernan dhe disa momente nga prapaskenat e filmit.

Vetëm në fund ai u rikthye te Sam, duke shprehur dashurinë dhe ngushëllimet për familjen.

Kjo mënyrë e kujtimit të aktorit nuk u prit mirë nga disa ndjekës, të cilët e akuzuan Baldwin se e kishte kthyer vëmendjen te vetja në vend që të nderonte kolegun e ndjerë.

Disa komentues shkruan se ai ‘harroi qëllimin e videos’ dhe se foli më shumë për përvojën e tij sesa për Sam Neill.

Megjithatë, kishte edhe persona që e mbështetën Baldwin, duke thënë se ai thjesht po ndante një kujtim personal dhe se kishte folur me respekt për kolegun e tij.

Sam Neill, i njohur për role në filma si “Jurassic Park”, ndërroi jetë në moshën 78-vjeçare. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.