KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Bota

Ankara përgatitet për Samitin e NATO-s, taksistët me rregulla interesante për mikpritjen e mysafirëve

Ankara përgatitet për Samitin e NATO-s, taksistët me rregulla interesante për mikpritjen e mysafirëve

Në prag të Samitit të NATO-s në Ankara, autoritetet turke kanë nisur përgatitjet për të siguruar një pritje sa më të organizuar për delegacionet ndërkombëtare, ndërsa një vëmendje e veçantë u është kushtuar edhe shërbimeve të transportit publik, veçanërisht taksive.

Si pjesë e masave për këtë ngjarje të rëndësishme, shoferëve të taksive në kryeqytetin turk u janë vendosur kërkesa të reja për mënyrën e paraqitjes dhe shërbimit ndaj klientëve. Ata duhet të mbajnë veshje të përcaktuara zyrtarisht, me pantallona gri dhe këmishë të bardhë, në mënyrë që të krijohet një pamje më profesionale dhe e unifikuar.

Përveç paraqitjes, shoferët janë udhëzuar që pasagjerëve t’u ofrojnë falas disa elemente të traditës turke të mikpritjes: ëmbëlsirën tradicionale llokum, lëngun aromatik “kolonia”, si dhe ujë të ftohtë, sidomos gjatë ditëve të nxehta.

– YouTube www.youtube.com

Masat kanë për qëllim që vizitorët e huaj të ndihen të mirëpritur që në momentin e parë të mbërritjes në qytet. Taksistët, si një nga pikat e para të kontaktit me turistët dhe delegacionet, konsiderohen pjesë e rëndësishme e imazhit që qyteti dëshiron të përcjellë gjatë një ngjarjeje të përmasave ndërkombëtare.

Samiti i NATO-s pritet të sjellë në Ankara liderë shtetesh, zyrtarë të lartë dhe mijëra përfaqësues të mediave e institucioneve të ndryshme. Për këtë arsye, autoritetet kanë shtuar masat e sigurisë dhe organizimit, ndërsa përgatitjet përfshijnë edhe sektorët që lidhen drejtpërdrejt me përvojën e mysafirëve.

Përtej aspektit praktik, iniciativa shihet edhe si një mënyrë për të promovuar kulturën turke, pasi llokumi dhe kolonja janë ndër simbolet tradicionale të mikpritjes në Turqi. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.