Alba Pollozhani ka bërë një deklaratë befasuese gjatë prime-it të së premtes. Ajo ka vendosur t’i japë fund përfundimisht raportit me mashkullin e saj misterioz, duke deklaruar se kanë kaluar një muaj pa marrë asnjë shenjë apo reagim nga ana e tij.
Kjo mungesë komunikimi e ka shtyrë atë të marrë vendimin për të këputur çdo lidhje me të. Gjatë deklaratës së saj, Alba u shpreh hapur dhe me tone të forta, duke sqaruar se për të gjithçka ka marrë fund.
“Stichi për mua tani më nuk ekziston sepse dua të shfrytëzojë edhe rastin të them diçka, që nëse ndonjëherë të merr malli nuk do të më gjesh më. Dhe dua të them diçka, lajmin e fundit që dua ta them është…. Nuk ka nevojë më për fjalë boshe, as për mesazh as për dron, as për një takim sqarues, sepse ka marrë fund çdo gjë, megjithë mungesën e veprimit”, tha Alba, duke iu referuar mashkullit misterioz me të cilin ka lënë të kuptohet se ka pasur një raport të komplikuar.
“Ka kaluar një muaj, në rast se unë do isha përjashta dhe do kisha mashkullin tim këtu, do ktheja përmbys gjithë botën edhe do e sillja helikopterin, jo në ajër por mes shtëpisë sepse e ka mundësinë. Nuk kam nevojë për një njeri me fjalë boshe”, ka theksuar mes tjerash.
