KORREKT / SOT19 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Bota

Ukrainasit vendosin rekord kombëtar, shkatërrojnë 61 dronë rusë Molniya brenda një dite

Ukrainasit vendosin rekord kombëtar, shkatërrojnë 61 dronë rusë Molniya brenda një dite

Pilotët e dronëve nga Batalioni Sirius i Brigadës së 118-të të Mekanizuar të Ukrainës kanë vendosur një rekord kombëtar duke shkatërruar 61 dronë rusë Molniya në një ditë të vetme.

“Një ekuipazh i vetëm droni përgjues shkatërroi 61 dronë rusë Molniya gjatë një periudhe dite”, u tha nga ushtria ukrainase, transmeton Telegrafi.

Me këtë rezultat, ekipi jo vetëm që dyfishoi arritjen e tij të mëparshme, por gjithashtu ka ngritur standardin për të gjitha forcat mbrojtëse të Ukrainës. Deri më tani, numri më i lartë i regjistruar në vend ishte 44 dronë.

Sipas brigadës, gjuetia filloi në agim. Gjuetarët e dronëve rrëzuan asetin e tyre të parë ajror në orën 04:10 dhe të fundit – të 61-in – në orën 21:47. Mesatarisht, rusët humbën një dron çdo 17.5 minuta.

Ekuipazhi qëndroi vazhdimisht në pozicionet e tyre për gati 18 orë. Pavarësisht sforcimit të madh dhe kohëzgjatjes së operacionit, ushtarët thanë se nuk ndienin lodhje.

Adrenalina dhe kërkimi i vazhdueshëm për objektiva të rinj i mbajtën të përqendruar deri në minutën e fundit.

Ushtarakët shtuan se forcat ruse i përdorin këto dronë jo vetëm kundër pozicioneve ushtarake, por edhe për të goditur civilët në qytete dhe fshatra në vijën e frontit. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.