Hansi Flick po përballet me një dilemë në menaxhimin e Rodrit, i cili është bërë një prej futbollistëve më të përdorur te Barcelona.
Mesfushori ka regjistruar rreth 900 minuta në fushë, duke u renditur pas vetëm Lamine Yamalit, Joan Garcias dhe Pau Cubarsit për nga minutazhi në ekip.
Sipas Goal, trajneri gjerman e ka trajtuar me kujdes përshtatjen e spanjollit, i cili erdhi në Barcelonë pas një vere të ngarkuar.
Pas triumfit me përfaqësuesen e Spanjës në Kupën e Botës, Rodri kishte pasur pak kohë për pushim dhe njëkohësisht po përballej me probleme në shpinë, për të cilat iu nënshtrua një ndërhyrjeje të vogël.
Për këtë arsye, stafi teknik përgatiti një program të posaçëm për ta rikthyer në gjendjen optimale fizike. Megjithatë, rëndësia e tij në mesfushën e Barcelonës u bë shpejt e dukshme.
Rodri ka luajtur 83 minuta ndaj Feyenoordit, 90 kundër Levantes, 61 ndaj Racingut, nga 90 minuta në ndeshjet me Sevillan dhe Galatasarayn, 71 kundër Getafes dhe 90 në përballjen me Real Betisin.
Këto shifra tregojnë besimin e madh që Flick ka te mesfushori, por edhe ngarkesën që ai po përballon. /Zëri