Komuna e Gjakovës ka njoftuar se Drejtoria e Arsimit ka ndarë pajisje moderne për pastrimin e dyshemeve për 29 shkolla në tërë territorin e komunës.
Sipas njoftimit, pajisjet e reja janë siguruar nga buxheti komunal dhe synojnë përmirësimin e kushteve të higjienës dhe pastërtisë në institucionet arsimore.
Drejtori i Drejtorisë Komunale të Arsimit (DKA), Hysen Brahimaj, ka bërë të ditur se këto pajisje moderne do të ndikojnë dukshëm në ngritjen e nivelit të pastërtisë nëpër shkolla.
Pajisja e shkollave me këto mjete pritet të lehtësojë procesin e mirëmbajtjes dhe të krijojë një mjedis më të pastër për nxënësit dhe stafin arsimor. /Telegrafi/
Burimi: telegrafi.com ↗