Policia Rajonale e Ferizajt ka njoftuar se gjatë periudhës 7-13 shtator 2026 ka raportuar disa raste penale dhe ka ndërmarrë masa për parandalimin dhe trajtimin e incidenteve në rajon.
Sipas raportit javor, gjatë kësaj periudhe janë raportuar pesë raste të vjedhjeve, prej të cilave tri kanë ndodhur në Ferizaj dhe dy në Shtime.
Ndërkohë, në rajonin e Ferizajt është raportuar edhe një rast i dhunës në familje, i cili ka ndodhur në Ferizaj.
Në kuadër të realizimit të urdhëresave të gjykatave, Policia ka arrestuar 15 persona të kërkuar nga gjykatat kompetente për vepra të ndryshme penale dhe kundërvajtëse.
Policia Rajonale e Ferizajt ka bërë thirrje për bashkëpunim me qytetarët në parandalimin dhe luftimin e kriminalitetit.
Qytetarët mund të raportojnë rastet kriminale drejtpërdrejt në stacionin më të afërt policor, përmes aplikacionit digjital “Lajmëro Policinë” ose në numrat kujdestarë 192, 0290/326-250 dhe 0290/322-406.
Policia ka theksuar se konfidencialiteti i të dhënave të qytetarëve do të ruhet. /Telegrafi/